[[ يابنت يكفي دخيلك لاتبوسيني ]]

بسم الله الرحمن الرحيم




يابنـت يكفـي دخيلـك لاتبوسينـي
خلاص يكفي ترى مليـت مشكـورة
وش لك بخدي يابنت النـاس فكينـي
عندي طريقة وهي ماهيب محظـورة
نامي على صدر ابوك وحيل ضميني
لو تصبح عظام صدري منك مكسورة
انتي أساساً مكانـك فـي شرايينـي
مشاركـة بالمحبـة والغـلا "نـورة"
ولاهي غريبة على مثلـك تحبينـي
لاني أحبك وانـادي دوم عصفـورة
يابلسم جروح ابوك وفرحـة سنينـي
يامن لها بالضلوع وخافقـي صـورة
أهديت غيرك كلام رويشد "اعفينـي"
وانتـي لـك بذمتـي "درة وبلـورة"
اموت في ضحكتك وانتـي ذبحتينـي
بلشة .. عنيدة .. وكتكوتة . وشطورة
أن جيت اريّح وانام الليـل توذينـي
متسلطنة تضرب الجدران بالكـورة
تلعب على عيني الكـورة تورينـي
والله ولا سامي الجابـر وجمهـورة
واليا بكت تنقلـب عنـدي موازينـي
دنياي من دمعها وأن سال مذعـورة
كن الزلازل بصـدري والبراكينـي
قامت تفجر وكن الـروح مخطـورة
واليا ضحكت قلت أنا بالسوق بيعيني
لو كان سعري ثلاث ريال معـذورة
والله ما أحسد على ضحكك سلاطيني
اموالهم في بنوك جنيـف محشـورة
انتي حياتي وعمري شمعـة سنينـي
ودي اشوفك اليـا شيّبـت دكتـورة
ادواي لاجيت لك تعبـاااان ضمينـي
الوصفة اللي ترد الـروح "عبـورة"









م



ن



ق



و



ل

صراحه معاني الكلمات رائعه

ويسلــمو على النقل


وتقبل مروري
..

روعه

مشكوره عالمرور , اسعدني تواجدك

الله يعطيك العافية على الأبيات

ومشكور شكر جزيل ع المجهود

تقبل مروري

همسة شوق

همسة شوق
.
شكراً عالمرور الجميل
.
نورت الصفحة

عوافي قاهر الصمت عالمرور الجميل , نورت الصفحه بتواجدك